2023 ജനുവരി 03 മുതൽ 07 വരെ കോഴിക്കോട് നടക്കുന്ന സംസ്ഥാന സ്കൂൾ കലോത്സവത്തിന്‍റെ ഭാഗമായി കോഴിക്കോട് ജില്ലയിൽ എത്തുന്നവർക്ക് വളരെ എളുപ്പത്തിൽ വേദി കണ്ടെത്തുന്നതിനായി കോഴിക്കോട് സിറ്റി ട്രാഫിക് പൊലീസ് സിറ്റി സൈബർ സെല്ലിന്‍റെ സഹായത്തോടെ നിർമിച്ച QR code ന്‍റെ പ്രകാശനം ജില്ലാ പൊലീസ് മേധാവി എ. അക്ബർ ഡെപ്യൂട്ടി കമീഷണർ ഡോ.എ. ശ്രീനിവാസ് എന്നിവർ ചേർന്ന് നിർവഹിച്ചു.
QR code സ്കാൻ ചെയ്യുന്നത് വഴി കിട്ടുന്ന ലിങ്കിൽ ക്ലിക്ക് ചെയ്യുമ്പോൾ 24 വേദികൾ, ഫുഡ് കോർട്ട് ,പാർക്കിങ് എന്നിവ അടങ്ങുന്ന മാപ് ദൃശ്യമാകും. കൂടാതെ 24 സ്റ്റേജുകളുടെ അതാത് നമ്പറുകളിൽ ക്ലിക്ക് ചെയ്യുന്നത് വഴി കറൻറ് ലൊക്കേഷനും, ഡയറക്ഷനും ലഭിക്കുന്നതാണ്.
