രാഹുൽ ഗാന്ധി നയിക്കുന്ന ഭാരത് ജോഡോ യാത്രയുടെ നൂറാം ദിനാഘോഷത്തിന്‍റെ ഭാഗമായി ജോഡോ യാത്രയിൽ 19 ദിവസം കേരളത്തിൽ പങ്കെടുത്ത പദയാത്രികരുടെ നൂറ് ദീപം തെളിയിക്കലും ദേശസ്നേഹ പ്രതിജ്ഞയും കണ്ണൂർ ഡി.സി.സി.യുടെ സഹകരണത്തോടെ ഡിസംബർ 15 വ്യാഴാഴ്ച്ച വൈകിട്ട് 5 മണിക്ക് പയ്യന്നൂർ ആനന്ദതീർത്ഥ ആശ്രമത്തിലെ ഗാന്ധി മാവിൻ ചുവട്ടിൽ നടത്തും. തുടർന്ന് സജിത്ത് ലാൽ സ്മാരകത്തിൽ യാത്രികരുടെ സംഗമവും നടക്കും. പരിപാടി കണ്ണൂർ ഡി.സി.സി.പ്രസിഡന്‍റ് അഡ്വ.മാർട്ടിൻ ജോർജ്ജ് ഉദ്ഘാടനം ചെയ്യും. സംസ്ഥാനത്തിന്‍റെ വിവിധ ജില്ലകളിൽ നിന്നെത്തുന്ന പദയാത്രാ പ്രതിനിധികൾ ആശ്രമത്തിലെ അന്തേവാസികൾക്കൊപ്പം ഭക്ഷണവും കഴിച്ച് പരിപാടി അവസാനിക്കും.
