കണ്ണൂർ സ്പോർട്സ് കൗൺസിൽ ഹാളിൽ ടേബിൾ ടെന്നീസ് കോച്ചിങ്ങ് ക്യാമ്പ് ആരംഭിച്ചു. കാനന്നൂർ ടേബിൾ ടെന്നീസ് ക്ലബ്ബിന്‍റെ ആഭിമുഖ്യത്തിൽ നടന്ന ചടങ്ങ് സിറ്റി പൊലീസ് കമ്മിഷണർ അജിത്കുമാർ ഉദ്ഘാടനം ചെയ്തു.സ്പോർട്സ് കൗൺസിൽ സെക്രട്ടറി ഷിനിത്ത് പാട്യം
അധ്യകസ്നായി. കണ്ണൂർ തഹസീൽദാർ കെ. ഷാജു, സ്പോർട്സ് കൗൺസിൽ എക്സിക്യൂട്ടീവ് മെമ്പർ എ.കെ. ഷരീഫ് എന്നിവർ സംസാരിച്ചു. കാനന്നൂർ ടേബിൾ ടെന്നീസ് ക്ലബ്‌ സെക്രട്ടറി പി.കെ. സരിത സ്വാഗതം പറഞ്ഞു.
നവംബർ 26 -27 തിയ്യതികളിൽ നടന്ന കണ്ണൂർ ഡിസ്ട്രിക്ട് ടൂർണമെന്‍റിൽ വിജയികളായ വിമൻസ് ചാമ്പ്യൻ-കെ.ടി. സ്നേഹ, മെൻസ് ചാമ്പ്യൻ – നിതിൻ തോമസ് , അർണവ് പ്രശാന്ത്, വെട്രൻസ് റെണ്ണറപ്പ്‌ – പ്രകാശൻ എന്നിവരെ അനുമോദിച്ചു. മുതിർന്ന ടേബിൾ ടെന്നീസ് താരം പി. ഭരതൻ, പി. നാരായണൻ എന്നിവരെ പൊന്നാട അണിയിച്ച് ആദരിച്ചു. വൈകിട്ടു 5 മണി മുതൽ 7 മണിവരെ നടത്തുന്ന ടേബിൾ ടെന്നീസ് കോച്ചിങ്ങിൽ ക്യാമ്പിൽ ഈ രംഗത്ത് പ്രാവീണ്യം നേടിയ കോച്ചുമാരാണ് കുട്ടികൾക്കായ് പരിശീലനം നൽകുന്നത്.
