വിഴിഞ്ഞം സമരം ഒത്തുതീര്പ്പായതിന് പിന്നാലെ പ്രതികരിച്ച് തുറമുഖ വകുപ്പ് മന്ത്രി അഹമ്മദ് ദേവര് കോവില്. വിഴിഞ്ഞം സമരം ഒത്തുതീര്പ്പായി, സഹകരിച്ച എല്ലാവര്ക്കും നന്ദിയെന്ന് മാത്രം ഒറ്റവാക്കില് മന്ത്രി ഫേസ്ബുക്കിലൂടെ പ്രതികരിച്ചു.
സമരസമിതി മുഖ്യമന്ത്രി പിണറായി വിജയനുമായി നടത്തിയ ചര്ച്ച വിജയം കണ്ടതിനെ തുടര്ന്നാണ് ദിവസങ്ങളായി തുടര്ന്നു വന്ന വിഴിഞ്ഞം സമരം ഒത്തുതീര്പ്പായത്. വിഴിഞ്ഞം സമരത്തിലെ പ്രധാന ആവശ്യങ്ങള് സര്ക്കാര് അംഗീകരിച്ചില്ലെന്നും പൂര്ണ സംതൃപ്തിയില്ലെങ്കിലും സമരം അവസാനിപ്പിക്കുകയാണെന്നും ഫാദര് യൂജിന് പെരേര മാധ്യമങ്ങളോട് പറഞ്ഞു.
8000 രൂപ മാസ വാടകയായി നല്കാമെന്ന് സര്ക്കാര് ഉറപ്പു നല്കിയിട്ടുണ്ട്. അതില് അദാനിയുടെ സി.എസ്.ആര് ഫണ്ടില് നിന്നുള്ള 2500 രൂപ വേണ്ടെന്നാണ് സമരസമിതി സര്ക്കാരിനെ അറിയിച്ചത്.
