വിവാദ സിനിമ ‘ദി കേരള സ്റ്റോറി’യ്ക്ക് സ്റ്റേ ഇല്ല. സ്റ്റേ അനുവദിച്ച് ഇടക്കാല ഉത്തരവിടണമെന്ന ഹർജിക്കാരുടെ ആവശ്യം ഹൈക്കോടതി തള്ളി. സമൂഹമാധ്യമങ്ങളിൽ നിന്ന് ടീസർ പിൻവലിക്കാമെന്ന് നിർമാതാവ് അറിയിച്ചു എന്നും കോടതി പറഞ്ഞു. ടീസറും ട്രെയിലറും പരിശോധിച്ച ശേഷമാണ് കോടതിയുടെ വിലയിരുത്തൽ. സിനിമ ഇന്ന് തീയറ്ററുകളിലെത്തി.
സിനിമയുടെ ടീസറും ട്രെയിലറും കോടതി കണ്ടു. ട്രെയിലറിൽ ഏതെങ്കിലുമൊരു മതത്തെ കുറ്റകരമായി ചിത്രീകരിച്ചിട്ടില്ലെന്ന് കോടതി നിലപാടെടുത്തു. അതുകൊണ്ട് തന്നെ ദി കേരള സ്റ്റോറിയുടെ പ്രദർശനം സ്റ്റേ ചെയ്യണമെന്ന ആവശ്യത്തിൽ ഇടക്കാല ഉത്തവില്ല. യഥാർത്ഥ സംഭവങ്ങളിൽ പ്രചോദനം ഉൾക്കൊണ്ട് എന്ന് മാത്രമേ ചിത്രത്തിൽ പറയുന്നുള്ളൂ. കലാപരമായ സ്വാതന്ത്ര്യം ഉണ്ടെന്നും കോടതി നിലപാടെടുത്തു.
