പോപ്പുലര്‍ ഫ്രണ്ട് ഓഫ് ഇന്ത്യ മുസ്ലീം വിദ്യാര്‍ത്ഥികളെ വഴിതെറ്റിക്കാന്‍ ശ്രമിക്കുന്നുവെന്ന് മുസ്ലീം രാഷ്ട്രീയ മഞ്ച് ദേശീയ കണ്‍വീനര്‍ മൗലാന സുഹൈബ് ഖാസ്മി. കര്‍ണാടക, ആന്ധ്രാപ്രദേശ്, തെലങ്കാന എന്നിവിടങ്ങളിലെ വിദ്യാസമ്പന്നരായ മുസ്ലീങ്ങളെയാണ് പിഎഫ്‌ഐ ലക്ഷ്യമിടുന്നതെന്നും അദ്ദേഹം പറഞ്ഞു. സ്‌കൂളുകളിലെയും മദ്രസകളിലെയും വിദ്യാർത്ഥികളെ വഴിതെറ്റിക്കാനാണ് അവര്‍ ശ്രമിക്കുന്നത്. പിഎഫ്‌ഐ ഇപ്പോള്‍ പുതിയതും വ്യത്യസ്തവുമായ പേരുകളിലാണ് അറിയപ്പെടുന്നതെന്നും അദ്ദേഹം കൂട്ടിച്ചേര്‍ത്തു.
”സമാധാനമുള്ള ഒരു രാജ്യമാണ് ഇന്ത്യ.വര്‍ഷങ്ങളായി മുസ്ലീങ്ങള്‍ ഇവിടെ താമസിക്കുന്നുണ്ട്. പിഎഫ്‌ഐ പോലുള്ള സംഘടനകളെ കുറിച്ച് വിദ്യാര്‍ത്ഥികള്‍ ബോധവാന്മാരായിരിക്കണം, ” ഖാസ്മി പറഞ്ഞു. ” സ്‌കൂളുകളിലും മദ്രസകളിലും വിദ്യാര്‍ത്ഥികളെ വഴിതെറ്റിക്കാനാണ് സംഘടന ശ്രമിക്കുന്നത്. സര്‍ക്കാര്‍ പിഎഫ്ഐയെ നിരോധിച്ചെങ്കിലും വ്യത്യസ്ത പേരുകളില്‍ സംഘടന ഇപ്പോഴും പ്രവര്‍ത്തിക്കുന്നുണ്ട്, ” ഖാസ്മി കൂട്ടിച്ചേര്‍ത്തു.
