കിടങ്ങൂർ- പാദുവാ പന്നഗം തോട്ടിൽ കുളിക്കാനിറങ്ങിയ രണ്ട് നഴ്‌സിങ് വിദ്യാത്ഥികൾ മുങ്ങിമരിച്ചു. കൊല്ലം ട്രാവൻകൂർ കോളജ് ഓഫ് നഴ്‌സിങ്ങിൽ രണ്ടാം വർഷ ബി.എസ്.സി നഴ്‌സിങ് വിദ്യാർത്ഥികളാണ് ഇരുവരും. കരുനാഗപ്പള്ളി സ്വദേശി അജ്‌മൽ (21), വർക്കല സ്വദേശി വജൻ (21) എന്നിവരാണ് മുങ്ങിമരിച്ചത്.
പാദുവയിലെ സഹപാഠിയുടെ വീട്ടിലെത്തിയ നാല് അംഗ സംഘം വൈകീട്ട് മുടപ്പാലക്കടവിൽ കുളിക്കാനിറങ്ങിയപ്പോഴാണ് അപകടമുണ്ടായത്. വൈകീട്ട് അഞ്ചരയോടെയായിരുന്നു സംഭവം. കുളിക്കാനിറങ്ങിയ നാല് പേരിൽ രണ്ട് പേർ വെളളത്തിൽ മുങ്ങിപ്പോവുകയായിരുന്നു. കാണാതായവരെ പാലായിൽ നിന്നും ഫയർഫോഴ്‌സ് സംഘമെത്തിയാണ് പുറത്തെടുത്തത്.
