രണ്ട് വ്യത്യസ്ത സംഭവങ്ങളിലായി കഞ്ചാവുമായി യു.പി സ്വദേശികൾ അറസ്റ്റിൽ. 20 ഗ്രാം കഞ്ചാവുമായി യു.പി സ്വദേശി മഹേന്ദ്രകുമാറിനെ (27), ടൗൺ പൊലീസ് പയ്യാമ്പലത്ത് നിന്ന് പിടികൂടി.
ലഹരി ഉൽപന്നങ്ങളുമായി മറ്റൊരു ഇതര സംസ്ഥാനക്കാരൻ കൂടി അറസ്റ്റിൽ. ഉത്തർപ്രദേശിലെ ദേവേന്ദ്രകുമാറിനെയാണ് (23) ടൌൺ എസ്.ഐ. നസീബും സംഘവും അറസ്റ്റ് ചെയ്തത്. പയ്യാമ്പലം ബീച്ചിൽ പട്രോളിങ്ങ് നടത്തി വരവെ സംശയാസ്പദമായ നിലയിൽ കണ്ട യുവാവിനെ തടഞ്ഞു നിർത്തിപരിശോധിച്ചതിൽ ഇയാളുടെ കൈവശം കാണപ്പെട്ട 19 ഗ്രാം കഞ്ചാവും 15 പാക്കറ്റ് പുകയിലയും 15 പാക്കറ്റ് പാൻമസാലയും പിടിച്ചെടുക്കുകയായിരുന്നു. ഒരാഴ്ച മുമ്പ് സിറ്റിയിൽ വെച്ച് 15 കുപ്പി വിദേശമദ്യവുമായി മറ്റൊരു ഇതര സംസ്ഥാന തൊഴിലാളിയെ പൊലീസ് അറസ്റ്റ് ചെയ്തിരുന്നു.
